за нас
Дознајте повеќе за нас
Добредојдовте во слаткарницата Мариели, каде што секој десерт е израз на љубов, страст и посветеност. Нашата приказна започна скромно, како мала семејна работилница, инспирирана од желбата да создадеме нешто што ќе ги зближува луѓето преку топлината на домашно приготвените слатки. Со текот на времето, благодарение на вашата доверба и поддршка, "Мариели" се разви во препознатлив бренд за квалитет и креативност.
Нашиот основач, Маре Илиевска - Џиланова, уште во раните 1990-ти години започна со правење и креативно украсување квалитетни и вкусни торти, континуирано унапредувајќи го нејзиниот афинитет и дарба со бројни иновации. Во 2010 година се одлучува да ја отвори компанијата Мариели-Тино ДООЕЛ - MARIELI CAKES, која до ден денес создава успешна бизнис приказна со преку 50 вработени, опстојува, се унапредува и проширува на нашиот пазар.
Слаткарницата "Мариели" е изградена врз три основни принципи: традиција, иновација и безусловна грижа за вкусот. Од првите денови, ги комбиниравме традиционалните рецепти со модерни техники, секогаш настојувајќи да создадеме уникатни деликатеси кои ќе ги воодушеват сите сетила. Секој наш производ е внимателно изработен, користејќи исклучиво најквалитетни состојки за да го гарантираме врвниот вкус што не издвојува.
Нашето мени вклучува богата понуда на торти, колачи, крем десерти и мини ролати и специјални десерти. Без разлика дали барате нешто за секојдневно уживање или за специјални прилики, ние сме тука да ги надминеме вашите очекувања. Покрај тоа, нудиме и персонализирани торти и колачи, дизајнирани според вашите желби и потреби.
Досега е воспоставена соработка со повеќе маркети низ Македонија, вклучувајќи ги Тинекс, Веро, Вива Фреш, Кит-Го, Миса, Сити и Јени. Нашите производи може да се најдат во градови како Битола, Охрид, Струга, Ресен, Скопје, Прилеп, Тетово, Кавадарци, Штип, Делчево, Струмица, Куманово и други. Покрај маркетите, нашите десерти може да се пробаат и во кафулиња и ресторани во Битола, а отворени се и брендирани "Мариели" слаткарници во Битола, Охрид, Скопје и Струга.
"Мариели" не е само слаткарница – тоа е место каде што секој момент станува посебен. Редовно учествуваме на локални и меѓународни натпревари, каде што нашите десерти освојуваат признанија за нивната извонредност. Секогаш се стремиме кон нови хоризонти, но нашето срце останува посветено на заедницата што ја создадовме со нашите верни муштерии.
Нашата мисија е едноставна – да донесеме радост и насмевки преку совршени десерти. Ви благодариме што сте дел од нашата приказна и ве покануваме да продолжите да ја споделувате оваа сладка авантура со нас. Добредојдовте во "Мариели", каде што секој залак е приказна за себе!
МИСИЈА &
ВИЗИЈА
Производство на торти и десерти со највисок квалитет и неодолив вкус, кои потрошувачите секогаш ги препознаваат!
Мисија
Водечка компанија за производство на висококвалитетни и вкусни торти на домашниот пазар и за извоз.
Визија
Пораки
Life is short,
Eat the cake
I eat cake because
it's somebody's birthday somewhere
Birthday cake calories
don't count